Xitay bash minstiri win jiyabaw, dalay lama bilen söhbetlishishke teyyar ikenlikini bildürdi


2008.03.19
Share on WhatsApp
Share on WhatsApp

En'giliye bash minstiri gordon barawn, xitay bash ministiri wén jiyabawning dalay lama bilen tibet mesilisi üstide söhbet ötküzüshke teyyar ikenlikini ipadiligenlikini, bildürdi.

Amérika birleshme agéntliqining xewer qilishiche, en'giliye bash minstiri gordon brawn charshenbe küni xitay bash minstiri wén jiyabaw bilen téléfon arqiliq körüshüp, uningdin tibettiki weqelerge sewrchanliq bilen mu'amile qilishini telep qilip, tibet mesilisining terepler arisida élip bérilidighan söhbet arqiliq hel qilinishi kéreklikini tekitligen.

En'giliye bash minstiri gordon brawn, amérika birleshme agéntliqigha bergen bayanatida," xitay bash minstiri manga, dalay lama tibetning musteqilliqini qollimaydighanliqini bildürgenliki we zorawanliq heriketlirini eyibligenliki üchün, tibet mesiliside dalay lama bilen söhbet ötküzüshke teyyar ikenlikini bildürdi," dep körsetken.

Xewerde éytilishiche, en'giliye bash minsitiri, nöwettiki eng muhim mesile, tibettiki zorawanliq heriketlirini toxtitish, yarishish we tibetlikler bilen xitay hökümiti otturisida qanuni söhbetlerni yolgha qoyushtin ibaret dep tekitligen.

En'giliye bash minstiri shundaqla, tibetning diniy we siyasiy rehbiri dalay lama aldimizdiki may éyida en'giliyini ziyaret qilghanda, uning bilen körüshidighanliqini bildürdi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.