Далай лама русийини зиярәт қилиши мумкин


2004.11.07
Share on WhatsApp
Share on WhatsApp

Тибәтләрниң роһани даһиси далай лама алдимиздики һәптә ичидә росийини зиярәт қилиши мүмкин. Русийилик диплуматлар, қалмиқистан җумһурийитидики буддист қалмақларниң далай ламани бир қанчә қетим мәзкур җумһурийәткә тәклип қилғанлиқини әскәртип, москва далай ламаниң чигридин кириш мәсилисини музакирә қиливатқанлиқини ашкарилиди.

" Америка авази" радиосиниң хәвәр қилишичә, қалмиқистан җумһурийитиниң президенти, далай ламаниң чаршәнбә күни русийигә келидиғанлиқини, 13 - ноябирда қалмиқистанни зиярәт қилидиғанлиқини билдүргән. Далай ламаниң қалмиқистандики зиярити 17 - ноябирда ахирлишидикән. Далай лама һазир җәнубий африқидики юһансбургни зиярәт қиливатиду. Росийә ташқи ишлар министирлиқи икки күнниң алдида далай лама вә униң һәмралириға чигридин кириш визиси бәргән. Бу далай ламаниң тунҗи қетим русийини зиярәт қилиши болуп қалиду.

Далай ламаниң русийини зиярәт қилидиғанлиқи һәққидики хәвәрләр русийә мәтбуатлириниң диққитини қозғиди. Русийә ташқи ишлар министирлиқи, далай ламаниң зиярити тоғрисидики хәвәләрни рәт қилмиған. Русийә ташқи ишлар министирлиқиниң баянатчиси тулияниский, русийә далай ламаниң русийини зиярәт қилиш мәсилисини музакирә қиливатиду, дәп көрсәтти. Бирақ тулянский, далай ламаға русийигә кириш визиси берилгәнликини рәт қилған. Русийиниң волга дәряси бойидики қалмақлар уйғур илидики җуңғарларға тәвә турғутларниң әвлади болуп, 17 - әсирдә волга дәря бойиға көчүп барған қалмақлар иди. Сабиқ совет иттипақи дәвридә қалмақларға аптоном җумһурийәтлик һоқуқи берилгән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.