Dalay lama rusiyini ziyaret qilishi mumkin

Tibetlerning rohani dahisi dalay lama aldimizdiki hepte ichide rosiyini ziyaret qilishi mümkin. Rusiyilik diplumatlar, qalmiqistan jumhuriyitidiki buddist qalmaqlarning dalay lamani bir qanche qétim mezkur jumhuriyetke teklip qilghanliqini eskertip, moskwa dalay lamaning chigridin kirish mesilisini muzakire qiliwatqanliqini ashkarilidi.

" Amérika awazi" radi'osining xewer qilishiche, qalmiqistan jumhuriyitining prézidénti, dalay lamaning charshenbe küni rusiyige kélidighanliqini, 13 - noyabirda qalmiqistanni ziyaret qilidighanliqini bildürgen. Dalay lamaning qalmiqistandiki ziyariti 17 - noyabirda axirlishidiken. Dalay lama hazir jenubiy afriqidiki yuhansburgni ziyaret qiliwatidu. Rosiye tashqi ishlar ministirliqi ikki künning aldida dalay lama we uning hemralirigha chigridin kirish wizisi bergen. Bu dalay lamaning tunji qétim rusiyini ziyaret qilishi bolup qalidu.

Dalay lamaning rusiyini ziyaret qilidighanliqi heqqidiki xewerler rusiye metbu'atlirining diqqitini qozghidi. Rusiye tashqi ishlar ministirliqi, dalay lamaning ziyariti toghrisidiki xewelerni ret qilmighan. Rusiye tashqi ishlar ministirliqining bayanatchisi tuliyaniskiy, rusiye dalay lamaning rusiyini ziyaret qilish mesilisini muzakire qiliwatidu, dep körsetti. Biraq tulyanskiy, dalay lamagha rusiyige kirish wizisi bérilgenlikini ret qilghan. Rusiyining wolga deryasi boyidiki qalmaqlar Uyghur ilidiki junggharlargha tewe turghutlarning ewladi bolup, 17 - esirde wolga derya boyigha köchüp barghan qalmaqlar idi. Sabiq sowét ittipaqi dewride qalmaqlargha aptonom jumhuriyetlik hoquqi bérilgen. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar