Германийә һессен штатиниң баш министири дарамсалани зиярәт қилди


2005.02.07
Share on WhatsApp
Share on WhatsApp

Германийә һессин штатиниң баш министири, һиндистандики рәсми зиярити җәрянида йеңи деһли даирилириниң әндишисигә қаримай дарамсалада тибәтләрниң роһани даһиси далай лама билән учрашти.

Франсийә ахбарат агентлиқи, һессин штатиниң баш министири роланд кочниң далай лама билән тибәт роһани даһисиниң дарамсаладики сарийида учрашқанлиқини хәвәр қилди. Дарамсаладики тибәт сәргәрдән һөкүмитиниң юқири дәриҗилик бир әмәлдари, "германийә рәһбири җүмә күни дарамсалаға келип, шу күни далай лама билән урашти," дәп көрсәткән.

Тибәт сәргәрдан һөкүмитидики даириләр, роланд кочниң дарамсаладики сәпирини шәхсий зиярәт, дәп чүшәндүрди. Шундақла роланд коч тибәт сәргәрдан һөкүмитиниң али рәһбири самдоң ренпочи билән сөһбәт өткүзгән.

Һиндистан ташқи ишлар министирлиқидики әмәлдарларниң билдүрүшичә, роланд коч дарамсаладин шәнбә күни йеңи деһлиға қайтип кәлгән. Һиндистан һөкүмити һессин баш министириниң дарамсаладики зияритини германийә рәһбириниң шәхси һәрикити, дәп җакарлиған. Германийиниң һиндистандики баш әлчиханиси роланд кочниң даралсалаға қилған зияритигә баһа беришни рәт қилди.

Көзәткүчиләр, германийә әмәлдариниң дарамсалаға қилған зиярити бейҗиң даирилирини биарам қилған болуши мүмкин, дәп қаримақта. Һиндистан болса хитайларниң ғәзипидин қозғап қоюштин әнсирәп, чәтәллик сиясийонларниң һиндистан зиминидики тибәтләр билән учрушишини қарши елинмайдиған вәқә, дәп қарайтти. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.