Gérmaniye héssén shtatining bash ministiri daramsalani ziyaret qildi


2005-02-07
Share

Gérmaniye héssin shtatining bash ministiri, hindistandiki resmi ziyariti jeryanida yéngi déhli da'irilirining endishisige qarimay daramsalada tibetlerning rohani dahisi dalay lama bilen uchrashti.

Fransiye axbarat agéntliqi, héssin shtatining bash ministiri roland kochning dalay lama bilen tibet rohani dahisining daramsaladiki sariyida uchrashqanliqini xewer qildi. Daramsaladiki tibet sergerden hökümitining yuqiri derijilik bir emeldari, "gérmaniye rehbiri jüme küni daramsalagha kélip, shu küni dalay lama bilen urashti," dep körsetken.

Tibet sergerdan hökümitidiki da'iriler, roland kochning daramsaladiki sepirini shexsiy ziyaret, dep chüshendürdi. Shundaqla roland koch tibet sergerdan hökümitining ali rehbiri samdong rénpochi bilen söhbet ötküzgen.

Hindistan tashqi ishlar ministirliqidiki emeldarlarning bildürüshiche, roland koch daramsaladin shenbe küni yéngi déhligha qaytip kelgen. Hindistan hökümiti héssin bash ministirining daramsaladiki ziyaritini gérmaniye rehbirining shexsi herikiti, dep jakarlighan. Gérmaniyining hindistandiki bash elchixanisi roland kochning daralsalagha qilghan ziyaritige baha bérishni ret qildi.

Közetküchiler, gérmaniye emeldarining daramsalagha qilghan ziyariti béyjing da'irilirini bi'aram qilghan bolushi mümkin, dep qarimaqta. Hindistan bolsa xitaylarning ghezipidin qozghap qoyushtin ensirep, chet'ellik siyasiyonlarning hindistan ziminidiki tibetler bilen uchrushishini qarshi élinmaydighan weqe, dep qaraytti. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet