Esqer aqayéfning texttin chüshüshi, Uyghurlargha ümid béghishlimaqta
2005.03.31
In'gilizche chiqidighan "asiya waqti géziti" de yéqinda élan qilin'ghan bir parche maqalida, qirghizistandiki öktichiler inqilabining ghelibe qilishining Uyghurlargha ümid béghishlawatqanliqi körsitilgen.
N t tarimi teripidin yézilghan mezkur maqalide éytilishiche, nurghun Uyghur pa'aliyetchiliri, qirghizistan yéngi hökümitining Uyghurlargha esqer aqayéf dewridikidin perqliq siyaset qollinishigha ümid bilen qarimaqta. Chünki yéngidin hoquq igiligen öktichiler, esqer aqayéfning ilgiri xitay hökümiti bilen hemkarliship, Uyghurlarning siyasiy we démokratik heriketlirini basturush siyasitini ochuq eyibligen.
Maqalide tekitlinishiche, qirghizistanning aghdurulghan prézidénti esqer aqayéf gerche deslepte her qaysi milletlerning ortaq, barawer tereqqiy qilish hoquqigha ige ikenlikini bildürgen bolsimu, biraq kéyinche xitay hökümitining bésimi astida, xitaydin alidighan iqtisadiy menpe'etlerning bedilige Uyghurlarni sétiwetken.
Maqalide yekünlinishiche, esqer aqayéfning texttin chüshüp, Uyghurlarning démokratik heriketlirini qollaydighan öktichilerning hakimiyet béshigha chiqishi, Uyghurlargha yéngi ümidlerni élip kelgen. (Arzu)