قەشقەردىن قىرغىزىستاندا كېتىۋاتقان يولۇچىلار ئاپتوبۇسى بۇلاڭچىلارنىڭ ھۇجۇمىغا ئۇچرىدى

قازاقىستاندا چىقىدىغان "بۈگۈنكى قازاقسىتان" گېزىتى، بۇلاڭچىلارنىڭ قېچىپ كەتكەنلىكىنى بىلدۈردى. "بۈگۈنكى قازاقسىتان" نىڭ ئاشكارىلىشىچە، قەشقەردىن بېشكەككە كېتىۋاتقان بىر يولۇچىلار ئاپتوبۇسى، پەيشەنبە كۈنى قىرغىزىستان چېگرىسىغا كىرگەندىن كېيىن، تورغات - بېشكەك تاش يولىدىكى سوغاقسۇ ئۆتىڭىدە ئاپتوبۇس يولىنى "ئوپېل" ماركىلىق بىر ماشىنا توسىۋالغان. بۇلاڭچىلار ئاپتوبۇستىكى يولۇچىلارنىڭ پۇل - پۈچەكلىرىنى ئېلىپ تۆۋەنگە چۈشۈشىنى بۇيرۇغاندىن كېيىن، ئاپتوبۇسنى قوغداپ ماڭغان ساقچىلار بىلەن توقۇنۇشۇپ قالغان. ئىككى تەرەپ ئۆز - ئارا ئېتىشىشدىن كېيىن بۇلاڭچىلار قېچىپ كەتكەن.

ۋەقەدە ئۆلۈم - يېتىم ياكى يولۇچىلارنىڭ مال - مۈلكى زىيانغا ئۇچراش ئەھۋالى يۈز بەرمىگەن. بۇ ۋەقە 2003 - يىلى 4 - ئايدا بېشكەكتىن قەشقەرگە ماڭغان بىر يولۇچىلار ئاپتوبۇسى نامەلۇم كىشىلەرنىڭ ھۇجۇمغا ئۇچراپ، ئاپتوبۇستىكى 20 نەپەر ئۇيغۇر سودىگەرنىڭ ھەممىسى ئۆلتۈرۈلگەندىن كېيىن ، يولۇچىلار ئاپتوبۇسىنىڭ 2 - قېتىم ھۇجۇمغا ئۇچراش ۋەقەسى بولۇپ ھېسابلىنىدۇ.

قىرغىزىستان تەپتىش دائىرىلىرىنىڭ ئاشكارىلىشىچە، 2003 - يىلى 4 - ئايدا ھۇجۇمغا ئۇچرىغان ئاپتوبۇستىكى 3 خىتاي يولۇچىنىڭ ھازىرغا قەدەر ئىز - دېرىكىنى ئالالمىغان. قىرغىزىستان ھۆكۈمىتى شۇ قېتىمقى ۋەقەدىن كېيىن قەشقەر بىلەن بېشكەك ئوتتۇرىسىدا قاتنايدىغان ئاپتوبۇسلارغا قوراللىق ساقچىلارنى ئورۇنلاشتۇرغان ئىدى. (ئەركىن)