Qeshqerdin qirghizistanda kétiwatqan yoluchilar aptobusi bulangchilarning hujumigha uchridi

Qazaqistanda chiqidighan "bügünki qazaqsitan" géziti, bulangchilarning qéchip ketkenlikini bildürdi. "Bügünki qazaqsitan" ning ashkarilishiche, qeshqerdin béshkekke kétiwatqan bir yoluchilar aptobusi, peyshenbe küni qirghizistan chégrisigha kirgendin kéyin, torghat - béshkek tash yolidiki soghaqsu ötingide aptobus yolini "opél" markiliq bir mashina tosiwalghan. Bulangchilar aptobustiki yoluchilarning pul - pücheklirini élip töwen'ge chüshüshini buyrughandin kéyin, aptobusni qoghdap mangghan saqchilar bilen toqunushup qalghan. Ikki terep öz - ara étishishdin kéyin bulangchilar qéchip ketken.

Weqede ölüm - yétim yaki yoluchilarning mal - mülki ziyan'gha uchrash ehwali yüz bermigen. Bu weqe 2003 - yili 4 - ayda béshkektin qeshqerge mangghan bir yoluchilar aptobusi namelum kishilerning hujumgha uchrap, aptobustiki 20 neper Uyghur sodigerning hemmisi öltürülgendin kéyin , yoluchilar aptobusining 2 - qétim hujumgha uchrash weqesi bolup hésablinidu.

Qirghizistan teptish da'irilirining ashkarilishiche, 2003 - yili 4 - ayda hujumgha uchrighan aptobustiki 3 xitay yoluchining hazirgha qeder iz - dérikini alalmighan. Qirghizistan hökümiti shu qétimqi weqedin kéyin qeshqer bilen béshkek otturisida qatnaydighan aptobuslargha qoralliq saqchilarni orunlashturghan idi. (Erkin)