Д у қ хитай һөкүмитиниң миллий зиддийәтни күчәйтиватқанлиқини әйиплиди


2004.12.23
Share on WhatsApp
Share on WhatsApp

Баш шитаби германийидики дуня уйғур қурултийи пәйшәнбә күни, хитай һөкүмитиниң шәрқий түркистандики аталмиш террорлуқ һәрикәтләр һәққидә мәмликәт миқясида тәшвиқат паалийити елип берип, хитай пуқралирида уйғур миллий мустәқиллиқ һәрикәтлиригә нисбәтән хата чүшәнчә пәйда қиливатқанлиқини әйиплиди. Һәмдә бу арқилиқ, уйғурлар билән хитайлар оттурисидики зиддийәтни күчәйтиватқанлиқини көрсәтти.

Баш шитаби германийидики дуня уйғур қурултийи пәйшәнбә күни, хитай һөкүмитиниң шәрқий түркистандики аталмиш террорлуқ һәрикәтләр һәққидә мәмликәт миқясида тәшвиқат паалийити елип берип, хитай пуқралирида уйғур миллий мустәқиллиқ һәрикәтлиригә нисбәтән хата чүшәнчә пәйда қиливатқанлиқини әйиплиди. Һәмдә бу арқилиқ, уйғурлар билән хитайлар оттурисидики зиддийәтни күчәйтиватқанлиқини көрсәтти.

Дуня уйғур қурултийиниң билдүрүшичә, уйғур аптонум районлуқ җамаәт хәвпсизлик назарити, уйғур елидики аталмиш террорлуқ вә бөлгүнчилик һәрикәтлирини бастурушта хизмәт көрсәткән кишиләрдин гуруппа тәшкилләп, 12 - айниң 15 - күнидин башлап, хитайниң һәр қайси чоң шәһәрлиридә доклат беришкә орунлаштурған. Мәзкур гуруппидикиләр, уйғур елидики аталмиш террорлуқ һәрикәтлири вә уларға зәрбә бериш йолида өзлириниң көрсәткән хизмәтлирини доклат қилидикән.

Дуня уйғур қурултийиниң баянатчиси дилшат ришит, хитай һөкүмитиниң бу арқилиқ уйғурларниң миллий азадлиқ һәрикәтлирини қәстән қарилап, хитай пуқралириниң уйғурларға болған өчмәнликини қозғаватқанлиқини қаттиқ әйиплиди.

Дилшат ришит шундақла йәнә, хитай һөкүмитини бу хил қилмишлирини тохтитип, шәрқий түркистан мәсилисини сиясий йол билән һәл қилишқа йүзлинишкә чақирди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.