Канада һөкүмити, канада пуқраси һөсәйин җилилниң мудәтсиз қамақ җазасиға һөкүм қилинғанлиқи түпәйлидин хитай һөкүмитини қаттиқ тәнқид қилди


2007-04-19
Share

Канада ташқи ишлар минстири петәр мәккай бу мунасивәт билән отавада бәргән баянатида, һөсәйин җилилниң мудәтсиз қамақ җазасиға һөкүм қилинғанлиқи бизни чоңқур қайғуландурди, деди. Пиетәр маккәй канада һөкүмити һөсәйин җилилниң түрмидә қаттиқ тән җазасиға учриған болуши мумкинлики тоғрсидики әндишилириниң давамлишиватқанлиқини тәкитләп, бу һәм канада, һәм хитай һөкүмити қол қойған җәнвә тән җазасиға қарши келишиминиң дәпсәндә қилинғанлиқи болуп һесаблиниду, дәп көрсәтти.

Канада ташқи ишлар минстирлиқиниң баянатида, петәр маккәйниң канадики хитай баш әлчиликигә рәсмий наразилиқини билдүргәнлики һәмдә һөсәйин җилилниң аяли камилә ханим билән сөзлишип, униңға тәсәллий бәргәнлики қәйт қилинған. Баянатта ейтилишичә, канада ташқи ишлар минстири һөсәйин җилилниң аялиға, канада һөкүмитиниң һөсәйин җилилниң мәсилисиниң адаләтлик бир тәрәп қилиниши үчүн паалийәтлирини давамлаштуридиғанлиқини билдүргән.

Канада һөкүмити давамлиқ хитай һөкүмитиниң кишилик һоқуқ хатирисини тәнқид қилип кәлмәктә. Өткән йили ноябир ейида канада баш минстири стиефан һарпәр, канада һөкүмити үчүн кишилик һоқуқниң бирнчи орунда туридиғанлиқини, хитай билән сода мунасивәтлирини дәп хитайниң кишилик һоқуқ хатирисини тәнқид қилиштин ваз кәчмәйдиғанлиқини тәкитлигән. (Омәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт