Онсу наһийисидә қатнаш вәқәси йүз бәрди


2005-06-12
Share

Уйғур райони хәвәр ториниң учуриға қариғанда, ақсу вилайитидики қәдимий уйғур юртлиридин бири онсу наһийисиниң тохула йезиси әтрапида еғир қатнаш һадисиси йүз берип, аз дегәндә бәш адәм қаза тапқан.

Хәвәргә қариғанда, шопурни қошқанда бәш киши олтурған бу кичик машина дәря көврүкидин өтүш җәрянида намәлум сәвәбләр түпәйлидин егизлики 20 метир келидиған азгалға җайлашқан дәряға чүшүп кәткән.

Билдүрүшләргә қариғанда вәқә йүз берип, хели вақит өткәндин нәқ мәйданға йетип кәлгән қутқузуш хадимлири машинини судин сөрәп чиққанда, униңдики кишиләрниң һәммиси аллиқачан қаза қилған икән.

Хәвәрдә ейтилишичә, бу вәқә шопурниң машинини һарақ ичип, тез сүрәттә һәйдишидин келип чиққан икән.

Учурларға қариғанда, йеқинқи йиллардин буян машиниларниң көпийишигә әгишип, қатнаш ишлирида асанлиқлар пәйда болған. Бирақ, парихорлуқ вә арқа ишикниң ямриши билән шопурларға қоюлидиған өлчәм вә тәләпләрму төвәнләп кетиш түпәйлидин вәқә-һадисиләрму көпийишкә башлиған икән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт