Qirghizistan da'iriliri türkistan islam herikitining shu jaydiki bir yerlik rehbirini öltürdi


2006.09.04

Qirghizistan hökümiti, düshenbe küni türkistan islam partiyisining osh rayonidiki yerlik rehbiri, dep tonulghan resul axunowning qirghiz bixeterlik xadimliri teripidin öltürülgenlikini jakarlidi.

Qirghizistan dölet bixeterlik idarisining eskertishiche, resul axunow ötken shenbe küni oshtiki öyide qirghizistan dölet bixeterlik idarisining xadimlirigha teslim bolushni ret qilghandin kéyin étip öltürülgen.

Qirghizistanning mu'awin ichki ishlar ministiri omurbék suwan'aliyéw, resul axunowni qirghiz amanliq küchliri teripidin öltürülgen türkistan islam partiyisining rayondiki bir qanche rehberliridin biri, dep körsetti.

Qirghizistan hökümiti resul axunowni bu yil 12 - mayda qirghizisitan - tajikistan chégrisidiki qarawulaxanilrigha hujum qilip, 9 kishini öltürgen zerbidarlarning biri, dep eyiblidi. Shu weqedin kéyin qirghizistan da'iriliri osh oblastida islamchi küchlerge qarshi tazilash élip barghan. Lékin kishilik hoquq teshkilatliri bolsa béshkek hökümiti dindar kishilerni basturmaqta, dep eyiblidi we prézidént baqiyéwni özbékistan diktatori islam kerimopning izidin mangmaqta, dep tenqidligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.