4 - Iyun weqesi her qaysi jaylarda xatirilendi

Bu yil 1989 - yilidiki " 4 - iyun" weqesi yüz bergenlikining 16 yilliqi. Bu munasiwet bilen bir qisim kishiler amérikining washin'gton we nyu york sheherliridiki xitay elchixanisi we konsolxanilirining aldida xatirilesh pa'aliyetlirini élip bardi.

30 Nechche kishi 3 - iyun küni kechte washin'gtondiki amérika elchixanisi aldida shamlarni kötirip, 4 - iyun weqeside ölgenlerge teziye bildürgen. Yüzdin artuq kishi nyo-yorkta xitay hökümitidin 4 - iyun weqesige qayta baha bérishni telep qilghan.

Buningdin sirt, xongkong we awstraliye qatarliq jaylardimu xatirilesh pa'aliyetliri ötküzülgen. Xongkongdiki 45 mingdin artuq kishi wiyyü'en putbol meydanigha yighilip, xitay hökümitining 16 yil awwal démokratiye telep qilghan oqughuchilarni qanliq basturghanliqini esligen.

Bu arida, amérika hökümiti bayanat élan qilip, xitay hökümitini puqralarning tepekkür, söz, yighilish we étiqad erkinlikige hörmet qilishqa chaqirdi. Amérika tashqi ishlar ministirliqining bayanatchisi sin mekkormek bayanatida, amérikining 16 yil burun tyen'enmin meydanidiki qanliq basturushta öltürülgen, tutulghan we iz - déreksiz yoqalghan xitay puqralirini untulup qalmighanliqini bildürgen.

U yene, xitay hökümitidin 4 - iyun weqesige qayta baha bérip, weqe munasiwiti bilen hazirghiche tutup turiliwatqan wijdan igilirini qoyup bérishni telep qilghan. (Arzu)