Shimali koriye yadro qorallar söhbiti uzartildi


2005.07.29

Shimaliy koriye yadro qorallar mesilisi boyiche béyjingda élip bériliwatqan 6 dölet söhbiti, jüme küni 4 - künige kirdi. Shu küni amérika söhbet wekili kristofir xill, shimaliy koriye wekili kim kyi - gwan bilen koriye yérim arilini yadro qorallardin xali qilish mesilisi boyiche ayrim söhbet élip barghan. Bu amérika terepning söhbet bashlan'ghandin béri shimaliy koriye bilen 4 - qétim ayrim söhbet élip bérishi bolup hésablinidu.

Jenubiy koriye da'irilirining tekitlishiche, söhbetning waqti kéler heptigiche uzartilishi mumkin.

Birleshme axbarat agéntliqining xewer qarighanda kristofir xill, söhbetni qanchilik dawamlashturushqa toghra kelse shunchilik dawamlishidighanliqini bildürgen. Her qaysi terepler jüme küni chüshtin kéyin uchrashqanda söhbetni shenbe küni dawamliq élip bérishqa qarshi chiqmighan. Biraq amérika tashqi ishlar ministirliqi, shimaliy koriye bilen ayrim uchrishish uning bilen biwaste kélishim tüzüdighanliqin dérek bermeydighanliqini tekitlimekte.

Shimaliy koriye söhbet bashlan'ghandin kéyin amérikining jenubiy koriye ziminidiki yadro qorallirini élip chiqip kétishini yadro qorallar pilanidin waz kéchish sherti süpitide otturigha qoyghan. Emma amérika koriye yérim ariligha yadro qorallar orunlashturghanliqini ret qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.