Sana'etleshken 8 dölet yuqiri derijilik emeldarlirining yighini gérmaniyide échilmaqchi


2007.06.04

Sana'etleshken 8 dölet yuqiri derijilik emeldarlirining 33- nöwetlik yighini 6- iyundin 8 - iyun'ghiche, gérmaniyining shimaliy qismidiki méklenburg-worpommérn shtatining baltiq déngizi boyidiki xilwet jayi xéyligéndamda échilidu.

Bu nöwetlik yighinigha, yuqiriqi sekkiz dölet erbabliridin, , jorj w bush (amérika qoshma shtatliri) , stéfan xarpér (kanada), tony blayér (büyük béritaniye), nikolas sarkozy (fransiye), anjilla mérkél (gérmaniye), romano prodi (italiye), shinzo abé (yaponiye) we wiladimir potin (rusiye) qatarliqlar qatnishidu.

Melum bolushiche, yersharilishish we afriqining tereqqiyatigha yardem bérish qatarliqlar bu nöwetlik uchrishishning merkizi nuqtisi, "ilgirilesh we mes'uliyet" bash téma qilinidiken.

Halbuki, 3- iyun, gérmaniyining rostok portida minglighan ‏- onminglighan amma, mezkur yighin'gha we yersharilishish idiyisige qarshi namayish qildi. Namayish dawamida namayishchilar bilen saqchilar arisida toqunush yüz berdi.

Amanliq saqlash üchün 16 ming saqchi ajritilghan bolup, toqunushta 140tin artuq saqchi yénik derijide 25 neper saqchi éghir derijide yarilandi we 78 neper namayishchi qolgha élindi.

Bu qétimliq namayishini, yersharilishishqa we namratliqqa qarshi turghuchi teshkilatlar teshkilligen bolup, ularning bildürüshiche, texminen 80ming amma namayishqa qatnashqan. Emma saqchilar, 30 ming adem qatnashti, dep bildürmekte.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.