Amérika 11 - séntebir weqesining qurbanlirini xatirilidi
2004.09.12
Amérikiliqlar shenbe küni 11 - séntebir térrorluq weqesining 3 yilliqini xatirilesh pa'aliyiti ötküzdi . Xatirilesh pa'aliyiti washin'gton alahide rayoni, nyu - yorktiki dunya soda merkizining orni we pénsilwaniye shtatlirida ötküzüldi.
Shu küni amérika prizdénti jorjé bush téléwézor nutuqi sözlep, 11 - séntebir dölitimiz üchün untulghusiz bir kün, men aqsarayda bu künni amérika xelqi bilen birge xatirleymen, amérika xelqi 2001 - yili 9 - ayning 11- künidiki bu qorqunchluq weqede éghir bedel tölidi . Buning tesiri hazirghiche his qilinmaqta, dédi. Prizdént bush yene mundaq dep tekitlidi : 11- sintebir amérikining burulush nuqtisi, amérika omumiy yüzlik mudapi'eni dawamliq kücheytip, térorizimgha qarshi küreshning axirqi ghelibisini qolgha keltürüsh iradisidin tewrenmeydu.
2001 - Yili 9 - ayning 11 - küni etigende amérika hawa yollirining 4 yoluchilar ayropilani 19 neper térorchi teripidin görüge élin'ghan idi. Görüge élin'ghan ayropilanlarning ikkisi nyu-yorktiki dunya soda merkizining qoshmaq binasigha, biri washin'gtondiki amérika dölet mudapi'e ministirlikining 5 burjeklik binasigha soqulghan, görüdiki yene bir ayrupilan pénsilwaniye shtatigha chüshüp ketken idi. Weqede 3 mingdek adem hayatidin ayrilghan. 11 - Sintebir weqesidin kéyin amérika xelqara térorizimgha qarshi küchler ittipaqini teshkillep, afghanistandiki taliban hakimiyiti bilen iraqtiki saddam hüseyin hökümitini yoqatti. Biraq 11 - sintebir térorluq hujumining bash jawabkari dep qaralghan el - qayde rehbiri usama bin ladén hazirghiche qolgha chüshmidi. (Erkin)