Jorji bush dunya soda sariyi xarabisida térrorchilar teripidin öltürülgen minglighan biguna xelqni eslidi

• 
  2006-09-11

Birleshme agéntliqining xewer qilishiche, 2001 ‏- yili yüz bergen 11 ‏- séntebir weqesining harpa künide, amérika prézidénti jorji bush nyuyork shehiridiki dunya soda sariyi xarabisigha bérip, térrorchilar teripidin öltürülgen nechche minglighan biguna xelqqe atap gülchembirek qoydi. Uningdin kéyinla, bu xarabiliqqa yéqin jaydiki bir xrsti'an ibadetxanisigha bérip 11 ‏- séntebir weqeside hayatidin ayrilghan xelqni eslep, ularning rohigha du'a qildi.

Xewerde bayan qilinishiche, prézidént bush 11 ‏- séntebir küni etigen sa'et 8 din 46 minut ötkende yene, del buningdin besh yil burun térrorchilar qoligha kirgüziwalghan yoluchilar ayrupilani birinchi qétim binagha soqulghan waqitta, ot öchürgüchi xadimlar bilen birlikte weqede hayatidin ayrilghan biguna xelq üchün bir minut sükütte turup teziye bildürdi. 11 ‏- Séntebir weqesi amérikidila emes, pütün dunyadiki bashqa medeniyetlik ellerdimu xatirilendi. (Weli)