Камбуджа падишаһиниң тәхткә олтуруш мурасимида хитайға қарши лозунка чиқирилди


2004-10-31
Share

Камбуджаниң йеңи падишаһи сихамуни шәнбә күни пинумпинда тәхткә олтуруш мурасими өткүзүп, камбуджаниң һәр қайси қатлимидики хәлқ аммиси билән көрүшти. Падишаһ сихамуни дадиси сабиқ падишаһ шаһзадә сиханукниң йолида маңидиғанлиқини билдүргән.

Ройтерс ахбарат агентлиқиниң хәвәр қилишичә, сихамуни мурасимда нутуқ сөзләватқанда мәйдандики тиңшиғучиларниң бири " рәзил җоңго" дигән хәт йезилған лозункини көтирип чиққан. Бу кишиниң билдүрүшичә, " җоңго сөз әркинлики, диний етиқат әркинлики, кишилик һоқуқ болмиған рәзил дөләт" икән. Хәвәрләргә қариғанда сақчилар бу кишини нәқ мәйдандин елип кәткән. Падишаһ сихамуниниң нутқи дәхли тәрүзгә учримиған.

Сабиқ камбуджа падишаһи сиханукниң хитай билән зич һәмкарлиқи бар иди. Хитай һөкүмити 1970 - йилларда камбуджани идарә қилған қизил кехмир һөкүмитигә ярдәм бериш билән мәшһур болуп, қизил кихмирлар камбуджада 3 милйон хәлқниң өлүмигә сәвәп болуш билән әйипләнгән. Һазирқи камбуджа һөкүмити б д т билән биргә қизил кехмир һөкүмитидики әмәлдарларниң җавапкарлиқини сүрүштүрүш йолидики " уруш җинайәтчиләр сот мәһкимиси" қурған. Камбуджадики бәзи аммиви тәшкилатлар вә шәхсләр, хитай әйни йилларда қизил кехмир һөкүмитиниң қирғинчилиқини қоллиғанлиқи вә униңға ярдәм бәргәнлики үчүн камбуджа хәлқидин әпу сориши, шундақла төләм төләп бериши керәк дәп қариған. Бирақ хитай һөкүмити юқириқи тәнқидләрни қәти рәт қилған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт