FBI Xitayning amérikidiki axbarat pa'aliyitini yéqindin küzetmekte


2007.07.30
Share on WhatsApp
Share on WhatsApp

Amérika jasusluqqa qarshi turush organlirining yuqiri derijilik emeldarliri, xitayning amérikidiki axbarat pa'aliyitini yéqindin közitiwatqanliqini bildürdi. Amérika fédéral tekshürüsh idarisining bashliqi rébért méllirning eskertishiche, xitayning jasusluq heriketliri amérikigha emeliy tehdit peyda qilmaqta. U, amérika hökümiti xitayning amérikidiki jasusluq pa'aliyitige qarshi bir qatar tedbirlerni alghanliqini bildürdi.

Méllir ötken hepte amérika dölet mejlisining edliye komitétida bergen guwahliq sözide, xitay jasusliri amérika herbiy téxnika mexpiyetlikini oghrilapla qalmay, iqtisadiy uchurlarnimu oghrilawatqanliqini eskertti. U, xitay jasuslirining amérikidiki pa'aliyet da'irisini "amérikigha emeliy tehdit sélish basquchigha bérip qaldi" deydu. Gerche bu qétimqi yighin ashkara yighin bolsimu, lékin méllir guwahliqtin ötkende xitay jasuslirining amérikidiki pa'aliyet ehwali we amérikining jasusluqqa qarshi tedbirliri üstide ilgirlep toxtilishni xalimidi.

Amérika fédéral tekshürüsh idarisidiki xadimlarning ötken hepte amérika metbu'atlirigha ashkarilishiche, mezkur organning sürüshtürüsh da'irisidiki xitay jasusluq herikitige chétilidighan dilolar 2001 -yildin béri% 12 ashqan.

Yéqinda amérika döletlik axbarat mudiri ishxanisining yuqiri derijilik bir emeldari, amérikida 3000 dek xitay jasusi pa'aliyet élip bériwatqanliqini élan qildi. Lékin xitay hökümiti amérikining herbiy we iqtisadi uchurlirini oghrilawatqanliqini ret qilip kelmekte. Xitay tashqiy ishlar ministirliqi bayanatchisi chin gang, buningdin burun élan qilghan bir bayanatida amérikining xitay jasusluq pa'aliyiti heqqidiki idiyisini " yaman niyetlik " dep tenqidligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.