Хитай президент бушниң абидә тикләш мурасимида қилған сөзлиригә наразилиқ билдүрди

Хитай даирилири пәйшәнбә күни, америка президенти җорҗ бушниң вашингтонда өткүзүлгән абидә тикләш мурасимида қилған сөзлиригә қаттиқ наразилиқ билдүрди.

Америка президенти буш 6 ‏- айниң 12 ‏- күни вашингтонда коммунизимниң зиянкәшликигә учриған кишиләрни хатириләш мунасивити билән елип берилған абидә тикләш мурасимида сөз қилип : " коммунизимниң, совит иттипақида, хитайда вә дуняниң башқа җайлирида зиянкәшлик қилған адәм сани йүз милйондин ашиду" дәп көрситип : " бүгүн, вашингтонда тикләнгән бу абидә кишиләрниң ғурур ‏- иптихарини, паҗиәләр һәққидики әслимә хатирисини әслигә кәлтүрүш, зиянкәшликкә учриған кишиләрни унтуп қалмаслиқ ролини ойнайду, коммунизм вә террорчилар чоқум мәғлуп болиду" дегән иди.

Хитай тәрәп, америка президенти җорҗ бушниң " коммунизимниң зиянкәшликигә учриған кишиләрни хатириләш абидисини тикләш мурасимиға қатнишиши, соғуқчилиқ уруши идийиси билән идеологийә қариму - қаршилиқини пәйда қилиштин ибарәт" деди.

Коммунизимниң зиянкәшликигә учриған кишиләрни хатириләш абидиси, 1989 ‏- йили бейҗиңдики тйәнәнмин мәйданида оқуғучилар лайиһилигән " әркинлик илаһи" һәйкилиниң тәқлиди болуп, хитай һөкүмити " 4‏ - июн вәқәси" ни хатириләшни изчил түрдә қаттиқ чәкләп кәлмәктә. (Әқидә)