Amérika xitayni adem etkeschiliki we qullar emgikining menbesi we menzil döliti qatarida tilgha aldi

Amérika tashqiy ishlarministirliqi xitayni erler, ayallar we balilar zamaniwiy qulluq emgikige we pahishiliqqa mejburlinidighan döletler tizimlikige kirgüzdi. Tashqiy ishlar ministirliqi xitayni adem etkeschilikining menbe döliti we menzili, dep körsetmekte.

Amérika tashqiy ishlar ministirliqi düshenbe küni élan qilghan " adem etkeschiliki " heqqidiki doklatida, xitayda adem etkeschilikining köp qisimi memliket ichide élip bérilsimu, lékin xitaylar dunyaning herqaysi jaylirida mejburiy emgekke sélinmaqta, deydu. Doklatta eskertishiche, xitay pahishiliri teywen, tayland, malayshiya we yaponiye qatarliq döletlerning jinsi mulazimet bazirigha yighilghan shundaqla xitay da'iriliri bu mesilini bir terep qilish üchün eng eqelliy tedbir élip baqmighan.

Doklatta amérika , xitayning adem etkeschiliki bilen küresh qilish, tekshürüsh we etkeschilerni jazalash mesilisidiki " kötürenggü rohini" maxtidi. Lékin doklatta, xitay eng eqelliy ölchemge toshidighan döletler qataridinmu orun alalmighan. Tashqiy ishlarministirliqining doklatida xitayning " chégra halqighan adem etkeschilikige qarshi tedbir alghanliqini ispatlaydighan pakit yoq" deydu. Amérika tashqiy ishlarministirliqi her yili her qaysi döletlerning adem etkeschiliki bilen küresh qilish ipadisini bahalimaqta.

Eger xelq'ara ölchemge xilapliq qilghan döletler bolsa amérika ulargha imbargo qoyushi mumkin. Xitay tashqiy ishlar ministirliqi bayanatchisi lyu jyenchaw, xitayning bu mesilide xelq'ara jem'iyet bilen hemkarlishidighanliqini bildürdi. (Erkin)