Кишилик һоқуқ тәшкилатлири шветсийә һөкүмитигә хәт йезип адил абликимгә панаһлиқ беришни тәләп қилди
2008.02.01
Америка вә явропадики бир қисим кишилик һоқуқ тәшкилатлири йеқинда шветсийә һөкүмитигә хәт йезип 2006 - йили гуәнтанамодин қоюп берилгәндин кейин албанийигә орунлашқан вә өткән йили ноябирда шветсийигә келип сиясий панаһлиқ тилигән адил абликимгә сиясий панаһлиқ беришни тәләп қилди.
Адил абликимни қоллаш хетигә адвокатлар, хәлқара кәчүрүм тәшкилати, нюйорктики асасий қанунлуқ һоқуқ мәркизи, кишилик һоқуқни көзитиш тәшкилати, явропада индивидуал һоқуқлар тәвсийә тәшкилати, хелсинки комитети, шветсийә мусапирлар вә панаһланғучиларни қоллаш гуруһи, җәнвәдики хәлқара қанунчилар комитети қатарлиқ 10 тәшкилат имза қойған.
Хәттә немә үчүн адил абликимгә сиясий панаһлиқ бериш керәкликини чүшәндүрүп, шветсийә тән җазаси болмиған, адил абликимгә охшаш дөлитигә қайтса болмайдиған мусапирларни қойниға алалайдиған көңүлдикидәк җай икәнликини, албанийә болса уйғур җамаити яшимайдиған, уйғур мусапирлар үчүн яшаш наһайити тәс дөләт икәнликини илгири сүргән. Хәттә йәнә, шветсийә адил абликимниң уруқ - туғқанлири яшайдиған бирдин - бир дөләт болуп, бу әлдики уйғур җамаәтчиликиниңму адилға нисбәтән яхши имканийәт һесаблинидиғанлиқини тәкитлигән.
Адил абликим 2007 - йили ноябирда шветсийидә чақирилған бир хәлқара кишилик һоқуқ йиғиниға қатнишиш үчүн бу дөләткә кәлгән һәм узун йиллардин кейин тунҗи қетим бу дөләттики ачиси билән җәм болған иди. У шветсийигә кәлгәндин кейин, албанийигә қайтмайдиғанлиқини вә шветсийә һөкүмитидин сиясий панаһлиқ тәләп қилидиғанлиқини җакарлиған. (Әркин)
Мунасивәтлик мақалилар
- Шветсийә парламинт әзаси ":гуәнтанамо түрмисидики уйғурларниң шиветсийигә килишини халаймиз "
- Америкиниң алий сот мәһкимиси гуәнтанамо дилосидики талаш - тартишни аңлиди
- Сабиқ гүәнтанамо тутқуни адил абдулһеким шветсийидин рәсмий сиясий панаһлиқ тилиди
- Албанийидики бәш уйғурниң бири - адил һаким шиветсийигә келип қериндашлири билән көрүшти
- Албанийигә орунлаштурулған уйғурларниң һаяти барғанчә үмидсизлик қайнимиға петип бармақта
- Йеңи зелландийә һөкүмити гуәнтаномо һәрбий лагиридики уйғурларни қобул қилишни рәт қилди
- Сабиқ гүәнтанамо тутқунлири 17 йиллиқ қамақ җазасиға һөкүм қилинди
- Кишилик һоқуқни көзитиш тәшкилати канададин гүәнтанамодики уйғурларға панаһлиқ беришни өтүнди
- Канада америкиниң гүәнтанамодики уйғурларға сияси панаһлиқ бериш тәлипини рәт қилған
- Сербийә һөкүмити америкини косовани сүний һәмра дөлити қиливалмақчи болуватиду, дәп әйиплиди
- Буш һөкүмити гүәнтанамо түрмисини тақиветишни ойлишиватиду
- Авам палата әзаси моран ,гүантанамодики уйғурларға чиқиш йоли беришни тәләп қилди