Kishilik hoquq teshkilatliri shwétsiye hökümitige xet yézip adil ablikimge panahliq bérishni telep qildi


2008-02-01
Share

Amérika we yawropadiki bir qisim kishilik hoquq teshkilatliri yéqinda shwétsiye hökümitige xet yézip 2006 - yili gu'entanamodin qoyup bérilgendin kéyin albaniyige orunlashqan we ötken yili noyabirda shwétsiyige kélip siyasiy panahliq tiligen adil ablikimge siyasiy panahliq bérishni telep qildi.

Adil ablikimni qollash xétige adwokatlar, xelq'ara kechürüm teshkilati, nyuyorktiki asasiy qanunluq hoquq merkizi, kishilik hoquqni közitish teshkilati, yawropada indiwidu'al hoquqlar tewsiye teshkilati, xélsinki komitéti, shwétsiye musapirlar we panahlan'ghuchilarni qollash guruhi, jenwediki xelq'ara qanunchilar komitéti qatarliq 10 teshkilat imza qoyghan.

Xette néme üchün adil ablikimge siyasiy panahliq bérish kéreklikini chüshendürüp, shwétsiye ten jazasi bolmighan, adil ablikimge oxshash dölitige qaytsa bolmaydighan musapirlarni qoynigha alalaydighan köngüldikidek jay ikenlikini, albaniye bolsa Uyghur jama'iti yashimaydighan, Uyghur musapirlar üchün yashash nahayiti tes dölet ikenlikini ilgiri sürgen. Xette yene, shwétsiye adil ablikimning uruq - tughqanliri yashaydighan birdin ‏- bir dölet bolup, bu eldiki Uyghur jama'etchilikiningmu adilgha nisbeten yaxshi imkaniyet hésablinidighanliqini tekitligen.

Adil ablikim 2007 ‏- yili noyabirda shwétsiyide chaqirilghan bir xelq'ara kishilik hoquq yighinigha qatnishish üchün bu döletke kelgen hem uzun yillardin kéyin tunji qétim bu dölettiki achisi bilen jem bolghan idi. U shwétsiyige kelgendin kéyin, albaniyige qaytmaydighanliqini we shwétsiye hökümitidin siyasiy panahliq telep qilidighanliqini jakarlighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet