Chégrisiz muxbirlar teshkilati shangxeylik adwokatning teqdirige diqqet qilmaqta

Shangxeydiki ediliye tarmaqliri, kishilik hoquq adwokati go gotingning adwokatliq kinishkisini bir yil toxtitish heqqide tehdid saldi.

Bash shtabi parizhdiki chégrisiz muxbirlar teshkilatining bildürüshiche, go goting , dölet mexpiyetlirini ashkarilash jinayiti bilen eyiblen'gen bir muxbir we bir qanche öktichi pa'aliyetchilerge aqlighuchi bolghan. Shunga, shangxey saqchi da'iriliri 23 - féwral küni uning ishxanisini axturup, kompyutéri we adwokatliq kénishkisini tutup qalghan.

Shangxey sheherlik sot tarmaqliri jüme küni ispat bérish yighini échip, go gotingning adwokatliq kinishkisini bir yil toxtitishni qarar qilishi mumkin iken.

Chégrasiz muxbirlar teshkilati bu munasiwet bilen xitay ediliye minsitiri jang fusinggha xet yézip, " go gotingning dilosi xitay hökümitining qanun'gha hörmet qilish semimiyitining yoqlighini körsitidu. Go gotingning qanun ishliri bilen shughullinishni chekligenlik, u aqlawatqan muxbir we öktichilerning asasiy kishilik hoquqini depsende qilghanliq bilen barawer" dep körsetken. (Arzu)