Дуня җамаәтчилики ясир арафатниң вапатиға инкас қайтурди


2004-11-11
Share

Пәләстин рәһбири ясир арафат пәйшәнбә күни вапат болғандин кийин, дунядики нурғун дөләтниң рәһбәрлири униң өлүмигә тәзийә билдүрди.

Бирләшкән дөләтләр тәшкилатиниң баш сикритари кофи әннан ясир афаратни пәләстин хәлқиниң миллий ирадисиниң вәкили дәп атиди. Фирансийә президенти җәк ширак болса унни ғәйрәтлик вә ишәнчкә толған киши иди дәп тәриплиди. Росийә президенти виладимир путин, ясир арафатниң өлими пәләстин хәлқи үчүн зор йоқутуш болди дәп көрсәтти.

Америка президенти җорҗ буш, арафат пәләстин тарихидики әң һалқилиқ бир пәйттә вапат болди дәп билдүрди. Буниң алдида у, пәләстин йеңи рәһбәрлик гурупписиниң тәхиткә чиқиши тиничлиқтин үмүч бериду дигән. Хитайниң дөләт рәиси хуҗинтавму пәләстин парламент рәисигә мәктүп әвәтип, ясир арафатниң өлимигә тәзийә билдүргән. У ясир арафатни йүксәк бир рәһбәр дәп тәриплигән.

Ислам әллириму арқа - арқидин ясир арафатниң вапатиға тәзийә билдүрүп, униң пәләстин миллий азатлиқ ишлири үчүн қошқан төһписини мәдһийлигән.

Бирақ исраилийиниң әдилийә министири болса, ясир афаратни исраилийә вә пәләстин тиничлиқини әмәлгә ашуруштики бир тосалғу дәп атап, униңға болған өчмәнликини ипадилигән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт