Dunya jama'etchiliki yasir arafatning wapatigha inkas qayturdi

Pelestin rehbiri yasir arafat peyshenbe küni wapat bolghandin kiyin, dunyadiki nurghun döletning rehberliri uning ölümige teziye bildürdi.

Birleshken döletler teshkilatining bash sikritari kofi ennan yasir afaratni pelestin xelqining milliy iradisining wekili dep atidi. Firansiye prézidénti jek shirak bolsa unni gheyretlik we ishenchke tolghan kishi idi dep teriplidi. Rosiye prézidénti wiladimir putin, yasir arafatning ölimi pelestin xelqi üchün zor yoqutush boldi dep körsetti.

Amérika prézidénti jorj bush, arafat pelestin tarixidiki eng halqiliq bir peytte wapat boldi dep bildürdi. Buning aldida u, pelestin yéngi rehberlik guruppisining texitke chiqishi tinichliqtin ümüch béridu digen. Xitayning dölet re'isi xujintawmu pelestin parlamént re'isige mektüp ewetip, yasir arafatning ölimige teziye bildürgen. U yasir arafatni yüksek bir rehber dep teripligen.

Islam ellirimu arqa - arqidin yasir arafatning wapatigha teziye bildürüp, uning pelestin milliy azatliq ishliri üchün qoshqan töhpisini medhiyligen.

Biraq isra'iliyining ediliye ministiri bolsa, yasir afaratni isra'iliye we pelestin tinichliqini emelge ashurushtiki bir tosalghu dep atap, uninggha bolghan öchmenlikini ipadiligen. (Arzu)