Afghan prézidénti afghanistanda élip bériliwatqan herbiy heriketlerni tenqid qildi

2007-06-23
Élxet
Pikir
Share
Print

Afghanistan prézidénti hamid karzay shenbe küni shimaliy atlantik okyan ehdi teshkilati we amérika herbiy qisimliri teripidin afghanistanda élip bériliwatqan herbiy heriketlerni qattiq tenqid qildi. Xewerlerge qarighanda, ötken bir hepte ichide afghanistanda élip bérilghan herbiy heriketlerde 90 din artuq bigunah afghan puqrasi ölgen.

Afghanistan prézidénti kabulda ötküzgen muxbirlarni kütiwélish yighinida":üch kün ichide shimaliy atlantik okyan ehdi teshkilati we amérika herbiy qisimliri teripidin afghanistanning uruzgan wilaytide élip bérilghan herbiy heriket jeryanidila 52 kishining ölgenlikini tekitlep, bu herbiy heriketler jeryanida nurghunlighan bigunah afghan puqrasi ölüwatidu. Men bundin burun dégendek, biz buni qobul qilalmaymiz" dégen.

Afghanistan prézidénti, afghansitanda élip bériliwatqan herbiy heriketlerning , afghan bixeterlik qisimliri bilen hemkarlashqan halda élip bérilmaywatqanliqini tenqid qilip": men afghanistandiki shimaliy atlantik okyan ehdi teshkilati we amérika qisimliridin herbiy heriketlerni afghanistan bixeterlik qisimliri bilen hemkarliship , élip bérishini telep qilip kéliwatimen. Lékin mining bu teleplirim, diqqetke élinmaywatidu. Dégen. Emma bundin kéyin shimaliy atlantik okyan ehdi teshkilati we amérika qisimliri biz ulardin telep qilghan shekilde heriket qilishi kérek" dep tekitlidi.

Bu arida afghanistandiki shimaliy atlantik okyan ehdi teshkilati we amérika herbiy qisimliri shenbe küni afghanistan- pakistan chégralirida, 60 neper isyanchining öltürülgenlikini bildürdi.(Ömer qanat)

Pikirler (0)
Share
Toluq bet