Talibanlar teripidin göröge élin'ghan ikki gérman puqrasi'i öltürüldi

Afghanistanda qaytidin tesir da'irisini kéngeytishke bashlighan talibanlarning bayanatchisi qari muhemmet yusof exmedi, charshenbe küni talibanlar teripidin görüge élin'ghan 2 gérman we 5 afghan énzhinérining öltürlgenlikini bildürdi. Uning éytishiche, afghan we gérman énzhinérliri bügün afghanistan hökümiti talibanlar herikitining afghanistan türmliride ytiwatqan taliban jengchilirini qoyup bérish toghrisidiki telibini qobul qilmighanliqi üchün, öltürülgen.

Talibanlarning bayanatchisi yusuf exmedi shenbe küni franisye agéntliqigha bergen bayanatida, "eger afghanistanda türmilerde tutup turuluwatqan talibanlar yekshenbe künigiche qoyup bérilmise, talibanlar, afghanistanda göröge élin'ghan 18jenubiy koriye puqra'isini öltürüshke bashlaydu,"dep agahlandurghan. Talibanlar shundaqla jenubiy koriye hökümitidin afghanistandiki eskerlirini derhal chikindürüshini telep qilmaqta.

Talibanlar teripidin peyshenbe küni afghanistanning ghezni ölkisining qarabagh rayonida göröge élin'ghan jenubiy koriye puqraliri, afghanistanda xirsiti'an dinini tarqitish pa'aliyiti bilen shughullanmaqta iken.

Xewerlerge qarighanda, jenubiy koriye puqraliri, afghanistanda xirsiti'an dinini tarqitish üchün pa'aliyet bériwatqan guruppilar arsida muhim orun igiligen bolup, nöwette afghanistanda pa'aliyet élip bériwatqan xristi'an din tarqatquchi jenubiy koriye puqralirining sani 120 kishige yétidiken.

Bu arida jenubiy koriyining prézidénti ro mo huyin shenbe küni bayanat élan qilip, afghanistandiki taliban militantliridin göröge élin'ghan jenubiy koriye puqralirini qoyup bérishini telep qildi. U shundaqla, koriye hökümitining görüge élin'ghan jenubiy koriye puqralirining qoyup bérilishi mesiliside talibanlar bilen semimi söhbetke teyyar ikenlikini bildürdi. (Ömer qanat)