Америка афғанистандики 3000 әскирини қисқартмақчи


2005.12.20

"Нйо-йорк вақти" гезитиниң хәвәр қилишичә, америка һөкүмити келәр йили афғанистандики 3000 әскирини қисқартишни пиланлимақта.

Америка дөләт мудапиә министири доналд рамзфелд дүшәнбә күни бир парчә буйруқ имзалап, келәр йили йил бешиғичә, афғанистандики 19 миң әскирини 16 миңға қисқартишни қарар қилди. Пәнтагон йәни америка дөләт мудапиә министирлиқиниң баянатчиси бу қарарниң, америка армийисиниң афғанистандики алий қомандани вә америка мәркизи қоманданлиқ шитабиниң тәклипи бойичә чиқирилғанлиқини билдүрди.

Пәнтагон йәнә, уларниң бу қарарни чиқиришта, афғанистандики бихәтәрлик қисимлириниң омумйүзлүк сапаси, шималий атлантик әһди тәшкилати ролиниң күчийиши вә афғанистан һөкүмитиниң сиясий тәрәққият әһвалиниму нәзәрдә тутқанлиқини билдүргән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.