Хәлқара җамаәт афғанистанға ярдәмни давамлаштуридиғанлиқини вәдә қилди


2006.02.01
Share on WhatsApp
Share on WhatsApp

Афғанистанни қайтидин қуруш мәсилисидә әнгилийиниң пайтәхти лондонда өткүзүлгән хәлқара йеғинға қатнашқан һәр қайси дөләт вәкиллири афғанистанға иқтисадий вә һәрбий ярдәмни давамлаштуридиғанлиқини тәкитләп, афғанистанға йәнә 2 милярд доллар әтрапида иқтисадий ярдәм беришни вәдә қилған.

Афғанистан үчүн йәнә әң көп ярдәмни америка башчилиқидики ғәрб дөләтлири тәминләйдикән. Хәвәрләргә қариғанда, америка һөкүмити 2006 ‏- йилида афғанистанға бир милярд йүз милйон доллар ярдәм беридиғанлиқини билдүргән. Әнгилийә болса үч йил ичидә 805 милйон доллар беришни вәдә қилған.

Хитай ташқи ишлар минстири ли җав шиң 31‏- январ күни лондондики йеғинда бәргән баянатида, хитай һөкүмитиниң 2006 - йилида афғанистанға 10 милйон доллар әтрапида ярдәм беридиғанлиқини җакарлиди.

Лондондики йеғинға 70 әтрапида дөләт вә хәлқара тәшкилатларниң вәкиллири қатнашқан болуп, улар афғанистанниң иқтисадий вә иҗтимаий тәрәққияти үчүн 5 йиллиқ бир пилан оттуриға қойған. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.