Xelq'ara jama'et afghanistan'gha yardemni dawamlashturidighanliqini wede qildi


2006.02.01
Share on WhatsApp
Share on WhatsApp

Afghanistanni qaytidin qurush mesiliside en'giliyining paytexti londonda ötküzülgen xelq'ara yéghin'gha qatnashqan her qaysi dölet wekilliri afghanistan'gha iqtisadiy we herbiy yardemni dawamlashturidighanliqini tekitlep, afghanistan'gha yene 2 milyard dollar etrapida iqtisadiy yardem bérishni wede qilghan.

Afghanistan üchün yene eng köp yardemni amérika bashchiliqidiki gherb döletliri teminleydiken. Xewerlerge qarighanda, amérika hökümiti 2006 ‏- yilida afghanistan'gha bir milyard yüz milyon dollar yardem béridighanliqini bildürgen. En'giliye bolsa üch yil ichide 805 milyon dollar bérishni wede qilghan.

Xitay tashqi ishlar minstiri li jaw shing 31‏- yanwar küni londondiki yéghinda bergen bayanatida, xitay hökümitining 2006 - yilida afghanistan'gha 10 milyon dollar etrapida yardem béridighanliqini jakarlidi.

Londondiki yéghin'gha 70 etrapida dölet we xelq'ara teshkilatlarning wekilliri qatnashqan bolup, ular afghanistanning iqtisadiy we ijtima'iy tereqqiyati üchün 5 yilliq bir pilan otturigha qoyghan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet