Нато командириниң көзитишичә, афғанистанда талибанлар күчлинип кәткән

6 ‏- Айниң 29 ‏- күни натониң афғанистанда турушлуқ қисимлириниң командири генерал летенант ричард б б с мухбириға "ирақ уруши билән кишиләрниң афғанистанға болған деққити бурулуп кәткән иди. Бу вақит ичидә афғанистан бош қалди. Әгәр 2001 ‏- йили талибан һөкүмити ағдурулғандин кейинла, хәлқара җәмийәт дәрһал афғанистанға зор әскирий күч топлиған болса, талибанлар бүгүнкидәк күчлинип кәтмигән болатти, дегән.

Хәвәрдә баян қилинишичә, нато командири генерал летинант ричард мухбирға йәнә "нато буниңдин кейин афғанистанниң җәнубида талибанларға болған контроллуқини күчәйтиду. Пуқраларниң зиянға учришидин сақлинидиған йеңи тәдбир қоллиниду. Бурун нато қисимлири афғанистанниң шимал вә ғәрб тәрәплиридә туратти, әмди 7 ‏- айдин башлап америка қисимлириниң орнини игиләп, афғанистанниң җәнуб тәрипидиму әскәр турғузиду. Әнгилийиниң афғанистанда турғузидиған әскәр санила 1100 дин 5700 гә йәткүзилиду" дегән. (Вәли)