Nato komandirining közitishiche, afghanistanda talibanlar küchlinip ketken

6 ‏- Ayning 29 ‏- küni natoning afghanistanda turushluq qisimlirining komandiri général léténant richard b b s muxbirigha "iraq urushi bilen kishilerning afghanistan'gha bolghan déqqiti burulup ketken idi. Bu waqit ichide afghanistan bosh qaldi. Eger 2001 ‏- yili taliban hökümiti aghdurulghandin kéyinla, xelq'ara jem'iyet derhal afghanistan'gha zor eskiriy küch toplighan bolsa, talibanlar bügünkidek küchlinip ketmigen bolatti, dégen.

Xewerde bayan qilinishiche, nato komandiri général létinant richard muxbirgha yene "nato buningdin kéyin afghanistanning jenubida talibanlargha bolghan kontrolluqini kücheytidu. Puqralarning ziyan'gha uchrishidin saqlinidighan yéngi tedbir qollinidu. Burun nato qisimliri afghanistanning shimal we gherb terepliride turatti, emdi 7 ‏- aydin bashlap amérika qisimlirining ornini igilep, afghanistanning jenub teripidimu esker turghuzidu. En'giliyining afghanistanda turghuzidighan esker sanila 1100 din 5700 ge yetküzilidu" dégen. (Weli)