Афғанистанниң җәнубида уруш йәнила давамлашмақта

• 
  2006-07-02

Америка авази радиосиниң учур беришичә, афғанистанниң җәнубида бирләшмә армийә билән талибан қораллиқ қошунлири арисида тоқунушлар давамлиқ йүз бәрмәктә.

Америка қоманданлиқидики үч миң әнглийә әскири қатнашқан афғанистанниң җәнубидики кәң көләмлик талибан қалдуқлирини тазилаш һәрбий һәрикити җәрянида шәнбә күни 12 нәпәр талибан әскири өлтүрүлгән. 2 Нәпәр әнгилийә әскири өлгән. Мәзкур икки нәпәр әнглийә әскири талибанларниң кичик типтики ракета билән қилған туюқсиз һуҗумидин өлгән. Буниңдин башқа йәнә төт нәпәр бирләшмә армийә җәңчиси яридар болған икән.

Америка қоманданлиқидики бирләшмә армийиниң афғанистанниң җәнубидики һелмәнд өлкисидики кәң көләмлик тазилаш һуҗумлирида талибанларниң нуқтилири бомбардиман қилинған икән.(Үмидвар)