Италийә 2011‏- йилиғичә афғанистандики һәрбий қисимлирини чикиндүрмәйду


2007-02-10
Share

Шималий атлантик окян әһди тәшкилатиниң баш катиби һоп шефәр, германийиниң мюнхен шәһиридә өткүзүлүватқан хәлқара бихәтәрлик йиғинида бәргән баянатида, шималий атлантик окян әһди тәшкилати һәрбий қисимлириниң нөвәттә афғанистанда давамлишиватқан талибанларниң қаршилиқ көрситиш һәрикәтлирини икки ай ичидә пүтүнләй бастуридиғанлиқини тәкитләп, лекин шималий атлантик окян әһди тәшкилати һәрбий қисимлири 2009‏- йилидин кейинму афғанистанда туриду, дәп көрсәтти.

Шималий атлантик окян әһди тәшкилатиниң һәрбий қоманданлири өтмүштә, талибанларниң һәрикитини қисқа вақит ичидә бастуридиғанлиқини билдүргән иди. Лекин өткән йили афғанистанда юз бәргән тоқунушларда 4000 дин көп адәмниң өлгәнлики, афғанистандики җедәлниң техи узун давамлишидиғанлиқини көрсәтти.

Америка һөкүмити киләр йилиниң, афғанистандики тоқунушларни тохтитиш үчүн наһайити муһим бир йил икәнликини билдүрмәктә. Әмма италийә мудапиә министири артура парисиниң шәнбә күни қилған сөзлири нато афғанистанда бир патқаққа петип қалдиму қандақ дегән соалларни пәйда қилди.

Италийә мудапиә министири шәнбә күни мюнхендики хәлқара бихәтәрлик йиғинида қилған сөзидә, италийә 2011‏- йилиғичә афғанистандики һәрбий қисимлирини чикиндүрмәйду дәп көрсәткән.

Бу арида, мюнхендики йиғинда сөз қилған, америка дөләт мәҗлиси әзаси сенатор җан маккйин, явропа дөләтлирини, афғанистанға қошумчә һәрбий қисим әвәтиш вәдилиригә әмәл қилмиди, дәп әйиблиди. У афғанистанда мәғлуп болуш шималий атлантик окян әһди тәшкилатиниң өз етибарини йоқитишиға сәвәб болиду, деди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт