Italiye 2011‏- yilighiche afghanistandiki herbiy qisimlirini chikindürmeydu


2007-02-10
Share

Shimaliy atlantik okyan ehdi teshkilatining bash katibi hop shéfer, gérmaniyining myunxén shehiride ötküzülüwatqan xelq'ara bixeterlik yighinida bergen bayanatida, shimaliy atlantik okyan ehdi teshkilati herbiy qisimlirining nöwette afghanistanda dawamlishiwatqan talibanlarning qarshiliq körsitish heriketlirini ikki ay ichide pütünley basturidighanliqini tekitlep, lékin shimaliy atlantik okyan ehdi teshkilati herbiy qisimliri 2009‏- yilidin kéyinmu afghanistanda turidu, dep körsetti.

Shimaliy atlantik okyan ehdi teshkilatining herbiy qomandanliri ötmüshte, talibanlarning herikitini qisqa waqit ichide basturidighanliqini bildürgen idi. Lékin ötken yili afghanistanda yuz bergen toqunushlarda 4000 din köp ademning ölgenliki, afghanistandiki jédelning téxi uzun dawamlishidighanliqini körsetti.

Amérika hökümiti kiler yilining, afghanistandiki toqunushlarni toxtitish üchün nahayiti muhim bir yil ikenlikini bildürmekte. Emma italiye mudapi'e ministiri artura parisining shenbe küni qilghan sözliri nato afghanistanda bir patqaqqa pétip qaldimu qandaq dégen so'allarni peyda qildi.

Italiye mudapi'e ministiri shenbe küni myunxéndiki xelq'ara bixeterlik yighinida qilghan sözide, italiye 2011‏- yilighiche afghanistandiki herbiy qisimlirini chikindürmeydu dep körsetken.

Bu arida, myunxéndiki yighinda söz qilghan, amérika dölet mejlisi ezasi sénator jan makkyin, yawropa döletlirini, afghanistan'gha qoshumche herbiy qisim ewetish wedilirige emel qilmidi, dep eyiblidi. U afghanistanda meghlup bolush shimaliy atlantik okyan ehdi teshkilatining öz étibarini yoqitishigha seweb bolidu, dédi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet