Amérika herbiy xadimliri afghanistan milliy armiyisi üchün baza quriwatqanliqini bildürdi


2004.12.22

Amérika armiyisining afghanistanda töt yéngi herbiy baza qurushqa bashlighanliqi, amérika stratégiyilik ehmiyetke ige bolghan ottora asiyada uzun muddetlik turushni pilanlawatidu, digen xewerlerning otturigha chiqishigha sewep bolghan idi .

Amérikining afghanstandiki bash elchisi zelmey xelilzadning seyshenbe küni washin'gtonda ötküzülgen muxbirlarni kütüwélish yighinida bergen bayanati bu heqtiki xewerlerni téximu köpeytken . U bayanatida, chet'el herbiy qisimliri yawrupa we sherqi asiyada uzun muddettin biri turiwatqandek, afghanistandimu uzun muddetlik qilishi mumkin, digen idi.

Amérika armiye bayanatchisi mark makken charshenbe küni washin'gtonda muxbirlargha bergen bayanatida, amérikining afghanistanda töt yéngi herbiy baza quriwatqanliqi toghrisidiki xewerlerning toghra ikenlikini, lékin bu bazilarning amérika armiyisi üchün emes, afghanistan milliy armiyisi üchün yasiliwatqanliqini tekitlidi .

Uning éytishiche, bu bazilarning biri iran chégrisigha yéqin yerge jaylashqan hirat shehiride , ikkinchisi qendehar shehiride, üchinchisi afghanistanning sherqiy jenubi rayonigha jaylashqan gerdiz shehiride we tötinchisi afghanistanning shimaliy rayonigha jaylashqan we bu döletni ottora asiya jumhuriyetlirige baghlaydighan chong yol üstidiki mazar sherip shehiride qurulidiken . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.