گانا ئافرىقا دۆلەتلىرىنى خىتاينىڭ مۇستەملىكىسى بولۇپ قالماسلىققا ئاگاھلاندۇردى
2007.06.22
گانا تاشقى سودا مىنىستىرى ئافرىقا دۆلەتلىرىنى خىتايدا تاۋار ئېكسپورت بازىرى ئىزدەشكە، لېكىن بېيجىڭنىڭ خىتاي ئافرىقىدىن پەقەت خام ئەشيا ماتېرىياللىرىنىلا سېتىۋالىدىغان " مۇستەملىكە" دۆلەتلىك مۇناسىۋىتىنى تەرەققى قىلدۇرۇشتىن يىراق تۇرۇشقا چاقىردى. خىتاي ئۆزىنىڭ خام ئەشياغا بولغان ئېھتىياجىنى قامداش مەقسىتىدە ئافرىقا ئەللىرىگە مەبلەغ سېلىش ۋە خىتاي ماللىرىنى تۆكمە قىلىپ سېتىشنى كۈچەيتمەكتە ئىدى.
گانا سودا مىنىستىرى ئالان كيېرېماتېن ئالدىنقى كۈنى مۇخبىرلارغا " بىز خىتاينىڭ پىلانلىق ياكى پىلانسىز ھالدا ئافرىقا تەبىئىي بايلىقىنى خىتاي سانائىتىنى بېقىش مەقسىتىدە سۈمۈرۈشىدىن ھەزەر ئەيلىشىمىز كېرەك" دەيدۇ.
ئالان كيېرېماتېن، خىتايلارنىڭ ئافرىقا بازىرىنى پۇرسەت دەپ بىلىۋاتقانلىقىنى، ئافرىقىنىڭمۇ خىتاي بازىرىنى پۇرسەت دەپ بىلىپ ئۇنىڭ ساتىدىغان تاۋارى بولۇشى كېرەكلىكىنى تەكىتلىگەن. ئۇ، " ئەگەر بىز ئاسىيانىڭ مۇستەملىكە دۆلىتىگە ئايلىنىش ئارقىلىق بۇ پايدىغا ئېرىشمەكچى بولساق، بۇ بىزگە پايدا ئېلىپ كەلمەيدۇ. چۈنكى خىتاينىڭ ئافرىقا خام ئەشيالىرىغا ئېرىشىش ئۈچۈن تۆلەۋاتقان بەدىلى باشقىلارنى قورقۇتماقتا " دەپ كۆرسەتتى.
خىتاي خەلقئارا جەمئىيەت تەرىپىدىن ئافرىقىدىكى ئۇرۇش قىلىۋاتقان گۇرۇھلارغا قورال - ياراقلار سېتىش، پۇل ياردەم قىلسا ئىنسانپەرۋەرلىك شەرتى بەلگىلىمەسلىك شۇنداقلا ئافرىقا ئىگىلىكىنى تەرەققى قىلدۇرىدىغان ساھەلەرگە مەبلەغ سېلىش ئەمەس، خام ئەشيا ئاچىدىغان ساھەلەرگە مەبلەغ سېلىش بىلەن ئەيىبلەنمەكتە. گانا بۇرۇن ئەنگلىيىنىڭ مۇستەملىكىسى بولۇپ، ئۇ يېقىندىلا تېخى مۇستەقىللىققە ئېرىشكەنلىكىنىڭ 50 يىللىقىنى خاتىرىلىدى. (ئەركىن)
مۇناسىۋەتلىك ماقالىلار
- خىتاي سۇدانغا ئىقتىسادىي جازا يولغا قويماسلىق توغرىسىدا ئاگاھلاندۇردى
- خىتاي ئۆزىنىڭ ئافرىقا ئەللىرىدىكى رولىنى ئاقلاشقا تىرىشماقتا
- گېرمانىيە خىتاينىڭ ئافرىقا سىياسىتىنى تەنقىد قىلدى
- خەلقئارا تەشكىلاتلار خىتاينىڭ ئافرىقىدا يۈرگۈزۈۋاتقان سىياسىتىنى قاتتىق تەنقىدلىدى
- سۇدان ۋە چاد ئىككى دۆلەت ئوتتۇرىسىدا، تېچلىق كېلىشىم ئىمزالاندى
- خەلقئارا كەچۈرۈم تەشكىلاتى: 'خىتاي بىلەن رۇسىيە دارفۇر قورال-ياراق ئىمبارگوسىغا خىلاپلىق قىلدى'
- خىتاي بىلەن سۇدان ھەربىي ھەمكارلىقىنى بارغانسىرى كۈچەيتمەكتە
- كوندالىزا رايىس خىتاي ھۆكۈمىتىنىڭ سۇدانغا دارۇر مەسىلىسىدە بېسىم ئىشلىتىشنى تەلەپ قىلدى
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- ئانالىزچىلار: نارازىلىقىنى ئىپادىلىگەن خەلقنى قوراللىق ئەسكەر بىلەن باستۇرۇش پەقەت خىتايدەك مۇستەبىت ھاكىمىيەتكە مەنسۇپ
- مۇتەخەسسىسلەر: خىتاي ھۆكۈمىتى تەيۋەنلىكلەرنىمۇ ئۇيغۇر ئېلىدىكى جىنايەتلىرىگە شېرىك قىلماقچى
- «ئۇيغۇر خەلق ناخشىلىرى» نى ئۆگىتىشمۇ ياكى ئۇيغۇرلارغا «ھەيۋە» كۆرسىتىشمۇ؟