Mutexessisler: chingxeydiki qush zukam wirusining etraptiki rayonlargha tarqilish mumkinchiliki zor


2005.07.07
Share on WhatsApp
Share on WhatsApp

Mutexessisler, Uyghur aptonom rayonigha chégridash chingxey kölide bayqalghan qush zukam wirusining etraptiki rayonlargha shundaqla pakistan, hindistan we yawropagha qeder tarqilish mumkinchiliki zor, dep agahlandurdi.

Xongkong metbu'atlirining xewer qilishiche, mutexessisler chingxeyde bayqalghan köchmen qushlardiki zukam wirusining jenubiy jonggodiki öy haywanliridin yuqqanliqini bayqighan. Xongkong tibbiy inistituti bilen shentu uniwérsitétidiki mutexessisler teyyarlighan tetqiqat doklatida, chingxey kölidiki yawayi qushlarda bayqalghan zukam wirusining tipi, wéytnamliqlarda bayqalghan qush zukam wirusining tipi bilen perqlidighanliqini otturigha qoydi. Emma mezkur wirusning chöchek we sanjilarda bayqalghan wirus bilen qandaq munasiwiti barliqi hazirche melum emes.

Chingxey köli tebi'iy qoghdash rayonida H5N1 tipliq zukam wirusi bilen yuqumlan'ghan yaki mezkur zukam wirusida ölgen su qushlar köp uchraydiken. Dunya sehiye teshkilatining ashkarilishiche, bu rayonda hazirgha qeder 6000 ming yawayi qush mezkur zukam wirusida ölgen.

Mutexessisler, ehwalning aldi élinmisa köchmen qushlarning qush zukam wirusini bashqa jaylargha tarqitish mümkinchiliki barliqini tekitlimekte. Ularning agahlandurushiche, zukam wirusi bilen yuqumlan'ghan yawayi qushlar bashqa jaylargha köchse, shu jaylardiki baqmichiliq meydanlirini apetke duchar qilidiken. Xitay mutexessislirining tetqiqat doklati "tebi'et" zhornilida élan qilindi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.