Xitay, amérika elchixanisini islamiy küchlerning hujum qilish éhtimalliqi bilen agahlandurdi


2005-11-09
Share

Amérikining béjingda turushluq bash elchixanisining charshenbe küni bildürüshiche, xitay saqchi da'iriliri amérika elchixanisini agahlandurup, islam radikalchilirining kéler heptining ichide, xitayning 4 we 5 yultuzluq méhmanxanilirigha hujum qilishni pilanlawatqan bolushi mumkinlikini tekitlep, elchixanidin amérika puqralirining hushyarliqini yuqiri kötürüshke agahlandurishini telep qilghan.

Bu xewerni amérika elchixanisi özlirining tor bétige élan qilghan bolup, xitay da'iriliri hetta elchixanigha kapalet bérip, ularning muwapiq bixeterlik tedbirlirini qollinidighanliqini hemde bu térrorluq tehdit üstidin tel-töküs tekshürüsh élip baridighanliqini bildürgen.

Emma bu xewer xitayning héchqaysi metbu'at wastilirida élan qilinmighan. Xitayning bu agahlandurushi, amérika prézidénti jorj w bushning xitaygha qilidighan ziyaritidin 10 kün burun chiqirilghan. Lékin xitay da'iriliri bu islamiy küchlerning zadi kimliki we buning dölet ichidiki yaki chet'eldiki küch ikenliki toghrisida tepsiliy melumat bermigen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet