Русийә, кафказийидики дөләтләрни америка билән һәмкарлашмаслиқ тоғрисида агаһландурди


2007-03-10
Share

Русийә һөкүмити җүмә күни кафказийә районидики сабиқ совет җумһурийәтлирини, америка билән башқурулидиған бомбидин мудапиәлиниш системиси мәсилисидә һәмкарлашмаслиқ тоғрисида агаһландурди.

Русийә ташқи ишлар минситирлиқиниң баянатчиси михаил каминин, бу мунасивәт билән елан қилған баянатида, райондики дөләтләрниң һәтта америкиниң башқурулидиған бомбидин мудапиәлиниш системисини өз туприқида орунлаштурушни ойлишишму, русийә билән болған мунасивәтлириниң бузулушиға сәвәб болиду, дегән.

Ройтрис агентлиқиниң хәвәр қилишичә, русийә вә америка оттура асия вә кафказийә райондики сабиқ совит җумһурийәтлиридә өзиниң тәсир даирисини кеңәйтиш үчүн риқабәтләшмәктә.

Америка һөкүмити, радар истансилири вә башқурулидиған бомбини тосайдиған ракитилардин тәшкил тапқан, башқурулидиған бомбидин мудапиәлиниш системисини қуруш, террорчилар вә террорчиларға ярдәм бериватқан дөләтләр тәрипидин қоюп берилидиған ракиталарни тосашни мәқсәт қилиду, дәйду. Лекин, русийә бу мудапиәлиниш системисиниң кафказийә вә оттура асия райониға орунлаштурулушиға қарши чиқмақта.

Америка башқурулидиған бомбидин мудапиәлиниш идариси, бу айниң башлирида, яврупаға башқурулидиған бомбидин мудапиәлиниш системиси орунлаштуруш про граммиси бойичә, кафказийидики бир дөләткиму бу мудапиә системисини орунлаштурушни халайдиғанлиқини билдүргән иди.

Америкиниң мәзкур мудапиә системисини өзиниң миллий бихәтәрлики үчүн бир тәһдит дәп қариған русийә, бу системиға мәвҗут қораллар вә кәлгүсидә ясап чиқидиған қораллар билән қарши туридиғанлиқини билдүрмәктә. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт