Кишилик һоқуқ көзитиш тәшкилати хитайни әйдиз паалийәтчилиригә зиян салмаслиққа чақирди


2005-06-15
Share

Америдики кишилик һоқуқ көзитиш тәшкилати чаршәнбә күни хитайниң әйдиз мәсилисидә доклат елан қилип, хитай һөкүмитини әйдиз паалийәтчилиригә зиян салмаслиққа чақирди.

Мәзкур тәшкилаттики хитай ишлири мутәхәссиси сара дейвис баянатида, хитай һөкүмитиниң һәр хил кесәлләргә аит аммивий учурларни қаттиқ қоллуқ билән тосушиниң, бу кесәлләрниң алдини елиш хизмитигә еғиз зиян йәткүзидиғанлиқини агаһландурди.

У сөзидә йәнә, хитайдики һөкүмәтсиз тәшкилатларниң һөкүмәтниң әйдизгә қарши туруш күчини ашуруш җәһәттә бивастә тәҗрибисиниң барлиқини, әмма хитайниң бивастә контроллуқидин чәтнәп паалийәт қилған әйдиз паалийәтчилириниң болса давамлиқ хитай һөкүмити тәрипидин түрлүк зиянкәшликләргә учрайдиғанлиқини һәтта түрмиләргә ташлинидиғанлиқини тәкитлиди.

Кишилик һоқуқ көзитиш тәшкилати 57 бәтлик мәзкур доклатида йәнә, хитай һөкүмитини әйдиз бимарлири үчүн хизмәт қилидиған һөкүмәтсиз тәшкилатларниң паалийитини чәклимәсликкә чақирди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт