B d t : eydiz bilen yuqumlinish sür'iti astilidi


2006.05.30

B d t ning eydiz programmisi seyshenbe küni doklat élan qilip, yer shari boyiche eydiz wirusi bilen yuqumlinish sür'itining astilighanliqini jakarlidi. Doklatta eskertishiche, xitayning eydiz késellirini statistika qilish xizmitide ilgirilesh bolghan.

Lékin weziyettin xewerdar erbaplar, Uyghur aptonom rayonining ürümchi, ghulja qatarliq sheherliride eydiz késili weziyitining yenila éghir we kishini chüchütidighanliqini agahlandurmaqta. Doklatta, yer shari boyiche eydiz késellerning sani25 yildin béri tunji qétim muqimlashqanliqini tilgha aldi. Doklatta eskertilishiche, buning sewebi eydiz késilining aldini élish xizmitige sélin'ghan mebleghning köpeygenliki, eydiz dorisi bilen teminleshke érishken kishilerning köpeygenliki bulushi mumkin. Lékin doklatta eydiz késili yenila insaniyetke éghir tehdit élip kelmekte, dep agahlandurdi.

Doklat xitayning eydiz weziyiti heqqide toxtulup, junggoda tunji eydiz késili bayqalghandin tartip taki 2005 - yilning axirlirighiche wirusi bilen yuqumlan'ghanlarning sani 650 ming, dep élan qilindi. Eydiz késili bilen ölgenler 3100 ge yetti, dep yazghan. B d t eydiz ishlirigha mes'ul emeldari pétir gésning fransiye axbarat agéntliqigha eskertishiche, " junggoning eydizni statistika qilish we analiz qilish xizmitide ilgirilesh bolghan. Doklatta, xitayning eydizge qarshi mudapi'e körüsh pilanidin zeherlik chékimlikni okul arqiliq istimal qilidighan benggilerning 45 % i, pahishilerning 25 % i menpe'etlinishke bashlighanliqini bildürdi.

Lékin Uyghur aptonom rayonining weziyitidin xewerler erbaplar, weziyetning ürümchi bilen ghuljida éghir ikenlikini agahlandurmaqta. Xitay sehiye da'iriliri bu yilning bashliri ürümchi bilen ghuljida 6000 kishi üstidin nuqtiliq tekshürüsh élip barghan. Tekshürüsh netijisidin melum bolushiche, tekshürüsh élip bérilghan 6000 kishining ichide eydiz wirusi yuqturuwalghanlar 4000 din artuq bolup, buning 85 % tin köpirekini Uyghurlar teshkil qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.