Nyo-yorkta "eydiz késili" dégen témida qurultay échildi


2006.06.01

Birleshken döletler teshkilatning bash katibi kofi annan, pütün dunyadiki her qaysi döletlerge chaqiriq élan qilip, bu döletlerdin kündin - kün'ge ewj éliwatqan eydiz wirusining tarqilishini pütün küchini serp qilip hel qilishni telep qildi.

Amérika birleshme agéntliqining peyshenbe künidiki xewirige qarighanda, kofi annan nyu-york shehiride charshenbe künidin bashlap üch kün dawamlishidighan "eydiz késili" namliq qurultayning échilish murasimida söz qilip, her qaysi dölet hökümetlirining jem'iyetning qarangghu bulung – pushqaqliri, bolupmu pahishilik bilen shughullan'ghuchilar, zeherlik chékimlik chekküchiler we oxshash jinisliq munasiwiti bilen shughullan'ghuchilar köp jaylashqan yerlerde tekshürüsh élip bérishni kücheytish kéreklikini otturigha qoydi.

Amérika 2001 ‏- yilidin étibaren "eydizni eng asan yuqturwalidighan kishiler topi" gha yuqirida tilgha élin'ghan kishilerning kiridighanliqini éniq bildürüp, bu kishilerni özliride eydiz wirusi bayqalsa derhal melum qilishqa righbetlendürüshni teshebbüs qilghan idi.

Emma , islam döletli'irning qarishiche, " eydizni eng asan yuqturwalidighan kishiler topi" din özlirini ashkarilashni telep qilish ularning heriketlirini qobul qilghanliq hésablinidiken.

Kofi annan, bu qétimqi qurultayda özining eydiz ikenlikini ochuq ashkarilap sözge chiqqan jenubiy afriqiliq mawasa xanimni tunji qétim dadilliq bilen özini melum qilghan eydiz bimari dep teqdirlidi.

Hemmige melum bolghinidek eydiz késili , nöwette téz sür'ette tarqiliwatqan saqiyish nisbiti yoq diyerlik bir xil qorqunchliq késel bolup, tekshürüsh netijisidin ashkarilinishiche, xitay eydiz késilige giriptar bolghanlar sani eng köp döletlerdin biri hésablinip, buningda Uyghurlar köp sanni igileydu. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.