Xitay alataw éghizida tebi'iy gaz turubilirining chirishining aldini élish bazisi qurmaqta


2008.02.03

Xitay néfit we tebi'iy gaz shirkiti qazaqistan bilen xitay arisidiki tebi'iy gaz turubisining chirip kétishidin mudapi'e körüsh bazisini ötken ayda alataw éghizida qurushni qarar qilip, ish bashlighan bolup, mezkur qurulush xitay döletlik tebi'iy gaz we néfit shirkitining istratégiyilik pilanigha kirgüzülgen iken.

Shinxu'a agéntliqining xewer qilishiche, bu qurulushqa 150 milyon yüen meblegh sélish pilanlan'ghan bolup, bu zawut xitayning ottura asiya rayonidin uzun mezgillik tebi'iy gaz kirgüzüsh pilanini emelge ashurush, tebi'iy gaz turubilirining chirip ketmeslikining aldini élish arqiliq normal toshushqa kapaletlik qilish meqsitide qurulghan.

Xitay bilen qazaqistan tebi'iy gaz turubisi yatquzup, qazaqistan tebi'iy gazlirini xitaygha kirgüzüsh kélishimi tüzgen bolup, buningdin bashqa yene xitay türkmenistan we özbékistan bilenmu tebi'iy gaz kélishimi hasil qilghan idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.