Adwokatlar amérikining güentanamodiki bezi mehbuslarni albaniyige ewetkenlikini tenqid qildi


2007.06.09
Share on WhatsApp
Share on WhatsApp

Göwentanamo herbiy türmiside tutup turuluwatqan mehbuslargha wekillik qiliwatqan bir gurup adwokat, jüme küni amérika hökümitining güentanamodiki bezi mehbuslarni albaniyige ewetilgenlikini tenqid qildi.

Amérika prézidénti jurj bushning albaniyini ziyaret qilishining harpisida bir bayanat élan qilghan, amérikiliq adwukatlardin teshkil tapqan bir teshkilat bolghan "asasiy qanun hoquqlirini qoghdash merkizi", nöwette az dégende 30 mehbusning güentanamo herbiy turmisidin qoyub bérishke boludighan mehbuslar dep belgülen'genlikini , emma qattiq ziyankeshlikke uchraydighanliqi üchün, ularni öz döletlirige qayturush mumkin emeslikini bildürdi.

Asasiy qanun hoquqlirini qaghdash merkizining bayanatida, nöwette güentanamoda tutup turuluwatqan 15 Uyghur mehbusning ehwali alahide tilgha élin'ghan. Bayanatta, " xitaydin qéchip afghanistanda panahlan'ghan bu Uyghurlar 2001‏- yili amérikining afghanistan'gha qaratqan herbiy herikitidin kéyin, pakistanda qolgha élin'ghan bolup, ularning xitaygha qaytishi mumkin emes" déyilgen.

Albaniye hökümitining hazirghiche, peqet besh Uyghur, bir algiriyilik we bir misirliq mehbusni qobul qilghanliqi eskertilgen bayanatta, gerche albaniye hökümiti ulargha panahliq bergen bolsimu, emma ular hazirghiche ish tapalmighan hemde a'ililirini élip kélelmigen dep, körsitilgen.

" Asasiy qanun hoquqlirini qoghdash merkizining adwukatlirining biri bolghan shayana kadidal, qoyup bérishke boludighan mehbuslar dep belgilen'gen bolsimu, emma ularni qobul qilidighan bir dölet chiqmighanliqi üchün hélimu güentanamoda turup turuluwatqan mehbuslar üstide toxtulup, amérika hökümiti ularni tutup turush üchün héchqandaq seweb mewjut emeslikini itrap qilmaqta. Emma xelq'ara jama'etning mesilige sel qarishi bu mehbuslarning charisiz türmide yétishigha seweb boliwatidu," dédi. U b d t musapirlar idarisini bu mehbuslarning mesilsige derhal chare tépishqa chaqirdi.(Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.