Президент буш албанийини зиярәт қилди


2007.06.10
Share on WhatsApp
Share on WhatsApp

Германийидики сәккиз санаәтләшкән дөләт башлиқлири йиғинини ахирлаштурған америка президенти җорҗ буш йәкшәнбә күни өзиниң явропа сәпириниң йәнә бир бекити һесабланған албанийини зиярәт қилди.

Президент буш вә униң ханими лора буш албанийидә қизғин қарши елишқа еришкән болуп, тирана айродроми вә кочиларниң икки тәрипидә қоллирида гүлләрни вә америка байриқини тутқан нурғунлиған адәмләр президент бушни қарши алған шуниңдәк 21 пай һөрмәт топи етилған.

Б б с агентлиқиниң хәвәр қилишичә, президент буш албанийә президенти билән икки дөләт һәмкарлиқ мунасивәтлири һәққидә сөһбәтләшкән болуп, албанийидики зиярәт вақтиниң аран йәттә саәт болушиға қаримай, президент буш македонийә вә кродийә рәһбәрлири һәмдә ирақ вә афғанистан урушлириға қатнашқан албанийә һәрбий хадимлири билән көрүшүшни пилан қилған.

Албанийә һөкүмити президент бушниң косованиң мустәқиллиқи мәсилисидики мәйданини қизғин қарши алған болуп, буш косова мәсилисини бу қетимқи йиғиндиму тәкитлигән. Бирақ, русийә билән сербийә косова мустәқиллиқиғә изчил қарши чиқмақта.

Албанийә йәнә шималий атлантик окян әһди тәшкилатиға киришкә интилгән болуп, бу җәһәттә америкиниң қоллишиға муһтаҗ икән.

Албанийә америкиниң терроризмға қарши урушидики әң йеқин қоллиғучиси болуп, гуантаномода туруп туриливатқан бәш нәпәр уйғур америка һөкүмити тәрипидин қоюп берилгәндин кейин, албанийә һөкүмити тәрипидин қобул қилинип, уларға бу дөләттә яшаш һоқуқи берилгән иди. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.