Хитай, һиндонезийигә вақти өткән йимәкликләрни ярдәм һесабида бәргәнликини инкар қилди

Хитай һөкүмити йәкшәнбә күни баянат елан қилип, деңиз ташқини апитиниң қаттиқ һуҗумиға учриған һиндонезийигә вақти өткән, йигили болмайдиған йимәкликләрни ярдәм һесабида әвәткәнликини инкар қилди.

Америка бирләшмә ахбарат агентлиқиниң билдүрүшичә, буниң алдида, һиндонезийә мәтбуатлири хитай һөкүмити әвәткән йимәкликләрниң өткән йили 10 - дикабир күни вақти өткән, йигили болмайдиған йимәкликләр икәнликини хәвәр қилған.

Хитай һөкүмитиниң зувани болған шинхуа агентлиқи буниңға дәрһал инкас қайтуруп, йимәкликләргә бесилған вақитниң, йимәкликләрниң вақти өтүш күнини әмәс, бәлки ишләпчиқирилған күнини көрситидиғанлиқини билдүргән.

Хитай сода министири чоң күән, һиндонезийә мәтбуатлириниң хәвирини "һиндонезийә хәлқигә хата учур йәткүзүшни мәқсәт қилған сәпсәтә" дәп көрсәткән.

Хитай һөкүмити өткән айда йүз бәргән дәһшәтлик деңиз ташқини апитигә учриған районларға 60 милйон долларлиқ ярдәм боюмлири вә пул ианә қилидиғанлиқини билдүрүп, аран тәсликтә дунядики апәткә әң көп ярдәм бәргән 10 дөләтниң қатаридин орун алған иди. (Арзу)