Ядро қораллар сөһбитигә қатнишидиған америка вә шималий корийилик вәкилләр бейҗиңда учрашти


2005.07.25

Шимали корийә ядро қораллар мәсилиси бойичә өткүзүлидиған 6 дөләт сөһбити 26 - июлда башлиниду. Сөһбәт башлиништин бир күн илгири, америка вә шимали корийә вәкиллири дүшәнбә күни бейҗиңда сөһбәт елип барди.

Америка сөһбәт өмикигә ярдәмчи ташқи ишлар министири кристофир хилл, шималий корийә сөһбәт өмикигә муавин ташқи ишлар министири ким кйи- гван йитәкчилик қилған. Кристофир хиллниң сөһбәт башлиништин илгири мухбирларға тәкитлишичә, бүгүнки учришиш өз ара тонушуш вә пикир алмаштурушни мәқсәт қилғанкән. Сөһбәт 75 минут давам қилған болуп, бу қетимқи сөһбәт шималий корийә ядро қораллар мәсилиси бойичә 6 тәрәп йиғининиң 4 - қетим елип берилиши болуп һесаблиниду. Өткән қетимқи сөһбәт 2004 - йили 6 айда елип берилған.

Сөһбәт сәйшәнбә күни дявйүтәй дөләт меһманханисида башлиниду. Сөһбәтниң мәқсиди шималий корийини ядро қораллардин ваз кәчүрүш шундақла шималий корийигә бихәтәрлик капалити вә иқтисади ярдәм беришни қолға кәлтүрүшдур.

"Корийә гезити" ниң хәвәр қилишичә, америка вәкили бу қетимқи йиғинда шималий корийиниң ядро қораллардин ваз кәчкәнликини җакарлишини тәләп қилидикән. Кристофир хилл бейҗиңда мухбирларға , " мән сөһбәтниң әмили характерлик илгириләшкә еришишини үмид қилимән," деди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.