Yadro qorallar söhbitige qatnishidighan amérika we shimaliy koriyilik wekiller béyjingda uchrashti
2005.07.25
Shimali koriye yadro qorallar mesilisi boyiche ötküzülidighan 6 dölet söhbiti 26 - iyulda bashlinidu. Söhbet bashlinishtin bir kün ilgiri, amérika we shimali koriye wekilliri düshenbe küni béyjingda söhbet élip bardi.
Amérika söhbet ömikige yardemchi tashqi ishlar ministiri kristofir xill, shimaliy koriye söhbet ömikige mu'awin tashqi ishlar ministiri kim kyi- gwan yitekchilik qilghan. Kristofir xillning söhbet bashlinishtin ilgiri muxbirlargha tekitlishiche, bügünki uchrishish öz ara tonushush we pikir almashturushni meqset qilghanken. Söhbet 75 minut dawam qilghan bolup, bu qétimqi söhbet shimaliy koriye yadro qorallar mesilisi boyiche 6 terep yighinining 4 - qétim élip bérilishi bolup hésablinidu. Ötken qétimqi söhbet 2004 - yili 6 ayda élip bérilghan.
Söhbet seyshenbe küni dyawyütey dölet méhmanxanisida bashlinidu. Söhbetning meqsidi shimaliy koriyini yadro qorallardin waz kechürüsh shundaqla shimaliy koriyige bixeterlik kapaliti we iqtisadi yardem bérishni qolgha keltürüshdur.
"Koriye géziti" ning xewer qilishiche, amérika wekili bu qétimqi yighinda shimaliy koriyining yadro qorallardin waz kechkenlikini jakarlishini telep qilidiken. Kristofir xill béyjingda muxbirlargha , " men söhbetning emili xaraktérlik ilgirileshke érishishini ümid qilimen," dédi. (Erkin)
Munasiwetlik maqalilar
- Amérika jenubiy koriyining pyongyangni éléktir bilen teminlesh pilanini qarshi aldi
- Rayis, sherqiy asiya elliridiki ziyaritini bashlidi
- Shimaliy koriye yadro qorallar söhbet üstilige qaytip kélidiken
- Amérika we yaponiye, shimaliy koriyini atom bomba siniqi élip barmasliq heqqide agahlandurdi
- Kondiliza rayis, amérika shimaliy koriyige qarshi "üstünlükke" ige, dep körsetti